دوشنبه , دسمبر 11 2017
کور‌پاڼه / خبرونه / پخوانى ولسمشر حامد کرزی: بهرنيوځواكونو پرافغان خاوره د پاكستان د بريدونو پرړواند چوپتيا غوره كړې

پخوانى ولسمشر حامد کرزی: بهرنيوځواكونو پرافغان خاوره د پاكستان د بريدونو پرړواند چوپتيا غوره كړې

 

بهرني ځواکونه د امنیتي تړون له مخې د افغانستان پر خاوره د هوايي ګواښونو د مخنیوي مسوولیت لري خو دغو ځواکونو د پاکستان د بريدونو په مقابل كې غبرګون نه دى ښودلى

د پاکستاني پوځیانو وروستي بريدونه د افغانستان پر خاوره ښکاره تیره دى او د دغه هېواد له حکومت څخه غواړو، چې پر افغانستان دې هر ‌‌‌‌‌‌ډول حملې بندې کړي

كابل – پخوانى ولسمشر حامد کرزی خبرداری ورکوي، چې پر افغانستان د پاکستان بریدونه به د دواړو هیوادونو ترمنځ بدبینۍ او کړکیچ ته لمن ووهي او د دواړو هېوادونو د اړیکو د لاخرابیدو لامل ګرځی.

هغه وايي، که څه هم بهرني ځواکونه د امنیتي تړون له مخې د افغانستان پر خاوره له هوايي ګواښونو د مخنیوي مسوولیت لري، خو دغو ځواکونو د پاکستان د وروستیو خورو ورو راکټي بریدونو پر وړاندې چوپتیا غوره کړې.

تیره اونۍ پاکستاني هیلکوپترو په پرله پسې توګه د کونړ ولایت پر دانګام ولسوالۍ هوايي بریدونه وکړل، خو تر ټولو جدي مساله داده، چې پاکستاني پوځیانو د لومړي ځل لپاره د هیلکوپترو په وسیله د کونړ ولایت د دانګام ولسوالۍ ګریګاه سیمه تر هوايي بریدونو لاندې ونیوله.

پخواني ولسمشر حامد کرزي چې د عبدالعلي مزاري د مړینې د ۲۱ تلین په مراسمو کې خبرې کولې، د پاکستاني پوځیانو دا اقدام یې د افغانستان پر خاوره ښکاره تیره وباله او د پاکستان له حکومت څخه غواړي چې پر افغانستان دې هر ‌‌‌‌‌‌ډول حملې بندې کړي او پرې نږدي چې د دواړو هیوادونو اړیکې غیر قابل ترمیم حد ته ورسیږي.

په هغې غونډه کې چې پرون د مزاري د٢١ تلين په مناسبت په کابل کې جوړه شوې وه،پخواني ولسمشر حامدکرزي، د ولسمشر دويم مرستيال سرود دانش،د سولې عالي شورا مشر، د کابينې ځينو غړو، په ملي شورا کې د خلکو استازو، د ځينو سياسي ګوندونو مشرانو، مخورو او  له  زرو څخه زياتو کسانو په کې ګډون کړی وو. په پرونۍ غونډه کې حامد کرزي هم وويل چې عبدالعلي مزاري په هېواد کې د عدالت غوښتنې، مساوات او برابرۍ په برخو کې هلې ځلې کړي او په دې لار کې يې خپلې وينې تويې کړې دي.

دا وګورئ

مشرانو جرګه: حکومت دې له واشنګټن سره امنيتي تړون لغوه کړي

  له امريکا سره شوی امنيتي تړون د امنيت په ټينګښت کې ګټور نه دی ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *