دوشنبه , فبروري 19 2018
کور‌پاڼه / افغانستان / په افغانستان كې د القاعده ډلې مشر عمر خطاب ووژل شو

په افغانستان كې د القاعده ډلې مشر عمر خطاب ووژل شو

د ګډو عملياتو په ترڅ كې عمر خطاب چې په عمر منصور مشهو و، له خپلو ۸۰ كسانو سره وژل شوى او د القاعده شبكې ۲۷ تنه غړي نيول شوي هم دي (د ملي امنيت عمومي رياست)

كابل – امنيتي ځواكونو د عملياتو په مهال په افغانستان كې د القاعده ډلې مشر عمر خطاب وژلى دى.

د ملي امنيت عمومي رياست څخه تېره ورځ په خپره شوې خبرپاڼه كې راغلي، په پكتيا، زابل او غزني ولايتونو كې د القاعده ډلې په ضد د ملي امنيت د ځانګړو ځواكونو، ملي اردو او غوڅ ملاتړ ماموريت ځواكونو د ګډو عملياتو په ترڅ كې په افغانستان كې د يادې ډلې مشر عمر خطاب چې په عمر منصور مشهو و، له خپلو ۸۰ كسانو سره وژل شوى دى.

په خبرپاڼه كې زياته شوې چې د عملياتو په مهال د القاعده شبكې ۲۷ تنه غړي نيول شوي هم دي او پنځه مهم مركزونه يې په بشپړ ډول له منځه وړل شوي دي.

سرچينه وايي، په وژل شويو كې د القاعده شبكې مهم قوماندانان قاسم مشهور په خرم كياني، حسن حمزه او جنېد هم شامل دي.

القاعده شبكې تراوسه په دې اړه څه نه دي ويلي.

دا وګورئ

ملي مشارکت ګوند: تش په نوم رهبران د افغانانو ترمنځ نفاق ته لمن وهي

  په افغانستان کې روان وضعیت له بل هر وخت څخه ډېر بحراني شوى، اړتیا ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *