دوشنبه , دسمبر 11 2017
کور‌پاڼه / افغانستان / ولسمشر غني ازبکستان ته لاړ

ولسمشر غني ازبکستان ته لاړ

غني به په دې سفر کې د ازبکستان له ولسمشر او لومړي وزیر سره وګوري او د دواړو هېوادونو ترمنځ به د همکاريو ۲۱ موافقتنامې لاسليک کړي (ارګ)

کابل – ولسمشر محمد اشرف غني پرون مازدیګر د لوړپوړي دولتي پلاوي په مشرۍ د ازبکستان پلازمېنې تاشکند ته لاړ.

ولسمشر غني به د ازبکستان له ولسمشر او نورو چارواکو سره وګوري او د دواړو هېوادونو ترمنځ به د همکاريو ۲۱ موافقتنامې لاسليک کړي.

ټاکل شوې نوموړى په دې سفر کې د کوربه هېواد له ولسمشر شوکت ميرضيايف او لومړي وزير عبدالله عارف اوف سره وګوري او د دواړو هېوادونو ترمنځ به په بېلابېلو برخو کې د اړيکو پر پراختيا او همکاريو بحث او خبرې وکړي.

له ارګه په خپره شوې خبرپاڼه کې راغلي چې د دې سفر په لړ کې به په بېلابېلو برخو کې څو موافقتنامې او د همکارۍ اسناد په ځانګړي ډول په امنيتي، ځمکني او هوايي ټرانزيټ، اقتصاد او سوداګرۍ، لوړو زده کړو، انرژۍ او کرنې سکټورونو او د حقوقي مرستو معاهده د دواړو هېوادونو مقامات لاسليک کړي.

د یادولو ده چې له ولسمشر غني سره په دې سفر کې د ملي امنيت سلاکار محمد حنيف اتمر، د بهرنيو چارو وزير صلاح الدين رباني، د ماليې وزير اکليل حکيمي او یو شمېر نور لوړ پوړي چارواکي ملتيا کوي

دا وګورئ

مشرانو جرګه: حکومت دې له واشنګټن سره امنيتي تړون لغوه کړي

  له امريکا سره شوی امنيتي تړون د امنيت په ټينګښت کې ګټور نه دی ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *