دوشنبه , فبروري 19 2018
کور‌پاڼه / افغانستان / دې نېشن: امریکا په افغانستان کې د نشه يي توکو په خلاف د مبارزې جګړه بایللې ده

دې نېشن: امریکا په افغانستان کې د نشه يي توکو په خلاف د مبارزې جګړه بایللې ده

 

له ۲۰۱۳ کال راهیسې څه بدلون نه دی راغلی، ځکه نو د نشه يي توکو په ضد د ۹ ميلیاردو ډالرو په ارزښت د امریکا مبارزه ناکامه ده

اسلام اباد – پاکستانۍ ورځپاڼه دې نېشن لیکي چې امریکا په افغانستان کې د نشه یي توکو په خلاف د مبارزې یوه بله جګړه بایللې ده.

سرچينه زياتوي، په ۲۰۰۹ کال کې د یوې امریکايي ادارې لپاره شوې یوې څېړنې وموندله چې طالبان تر خپل کنټرول لاندې سیمو کې د هیرويینو لابراتوارونه لري، ۹۸ سلنه د کوکنارو کروندې کنټرولوي او د مالیې په توګه ترې سلګونه میلیونه ډالر اخلي.

دې نېشن وايي چې دغه پدیده په افغانستان کې د وسله والو طالبانو مهمه مالي سرچینه ده او په ۲۰۱۳ کال کې د درې ميلیاردو ډالرو په ارزښت پنځه زره او پنځه سوه ټنه اپیم په افغانستان کې وشول او ۳۲۰ میلیونه ترې طالبانو مالیه واخیسته. د ورځپاڼې د لیکنې له مخې، له هغه مهال راهیسې څه بدلون نه دی رامنځته شوی، ځکه نو د نشه يي توکو په ضد د ۹ ميلیاردو ډالرو په ارزښت د امریکا مبارزه ناکامه ده.

دغه ورځپاڼه همداراز وايي چې د امریکا په نوې تګلاره کې هم یوازې د طالبانو په وړاندې د جګړې خبره شوې ده، خو د نشه يي توکو د قاچاق او کرکيلې په اړه کومه یادونه او پلان نه لري.

دا وګورئ

ملي مشارکت ګوند: تش په نوم رهبران د افغانانو ترمنځ نفاق ته لمن وهي

  په افغانستان کې روان وضعیت له بل هر وخت څخه ډېر بحراني شوى، اړتیا ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *