دوشنبه , فبروري 19 2018
کور‌پاڼه / افغانستان / ظاهر قدير: ولسمشر بريتانيا ته په خپل سفر کې د پولې مديريت په نوم هوکړه ليک لاسليک کړى

ظاهر قدير: ولسمشر بريتانيا ته په خپل سفر کې د پولې مديريت په نوم هوکړه ليک لاسليک کړى

 

پاکستان د لاسليک شوي هوکړه ليک پر بنسټ د ډيورنډ پر فرضي کرښې اغزن تار لګوي

پر ډيورنډ کرښې د اغزن تار غځولو په تړاو د حکومت چوپتيا د اندېښنې وړ ده (مشرانو جرګه)

کابل – د ولسي جرګې یو شمېر غړو حکومت د ډيورنډ فرضي كرښې په تړاو په پټې معاملې تورن کړ. په ولسي جرګه کې د ننګرهار استازى ظاهر قدير وايي، پاکستان د افغان چارواکو له لوري د لاسليک شوي هوکړه ليک پر بنسټ د ډيورنډ پر فرضي کرښې اغزن تار لګوي.

ظاهر قدير د جزئياتو له وړاندې کولو پرته وويل: “د بريتانيا د سفير وروستۍ خبرې بې ځايه نه دي، ولسمشر بريتانيا ته په خپل سفر کې د پولې مديريت

(Border Management) په نوم يو هوکړه ليک لاسليک کړى دى.”

د هغه په وينا، د پولې د مديريت دغه سند د ولسمشر غني او د هېواد د پخواني لوى درستيز قدم شاه شهيم له لوري لاسليک شوى دى. نوموړي د هوکړه ليک مقابل لورى په ډاګه نه کړ، خو ويې ويل چې په دې اړه به نن (چهارشنبه) له ملت سره لا ډېر اسناد او مدارک شريک کړي.

د قدیر په خبره، د ډیورنډ پر فرضي کرښې د اغزن تار لګولو په وړاندې د حکومت چوپتيا د ياد هوکړه ليک د لاسليک په معنا ده.

خو ولسمشرۍ ماڼۍ د قدیر ادعا بې بنسټه بولي.

بلخوا د مشرانو جرګې غړي پر حکومت د جدي نیوکې ترڅنګ وايي چې پر ډیورنډ فرضي کرښې د پاکستان له لوري د اغزن تار غځولو په تړاو د حکومت چوپتیا د اندېښنې وړ ده.

له څه مودې را په دې خوا د پاکستان له لوري د ډيورنډ کرښې په اوږدو کې د اغزن تار د غځولو لړۍ په چټکۍ روانه ده، خو افغان حکومت تراوسه په رسمي توګه د پاکستان د ياد اقدام په وړاندې غبرګون نه دی ښودلی.

د مشرانو جرګې غړي د پاکستاني حکومت له لوري پر ډیورنډ کرښې د اغزن تار غځولو په اړه د حکومت يادې چوپتيا ته د شک په سترګه ګوري او وايي، د پاکستان له خوا د اغزن تار د غځولو لړۍ اوس هم دوام لري.

دوى زياتوي چې حکومت بايد د خلکو نيوکو او غبرګونونو ته پام وکړي او ژر دې د پاکستان د دې اقدام په وړاندې خپل قاطعيت په ډاګه کړي.

دا وګورئ

ملي مشارکت ګوند: تش په نوم رهبران د افغانانو ترمنځ نفاق ته لمن وهي

  په افغانستان کې روان وضعیت له بل هر وخت څخه ډېر بحراني شوى، اړتیا ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *