دوشنبه , فبروري 19 2018
کور‌پاڼه / افغانستان / دولت وزیري: پر افغان خاورې د پاکستاني پوځیانو بریدونه د زغملو نه دي

دولت وزیري: پر افغان خاورې د پاکستاني پوځیانو بریدونه د زغملو نه دي

 

لوړپوړي مقامات مو په دغو بریدونو خبر کړي او کرښې ته په څېرمه ساحو کې افغان ځواکونه د تیارسئ په حالت کې دي (د کونړ امنیه قوماندان)

کابل – د ملي دفاع وزارت وایي، پر افغان خاورې د پاکستاني پوځيانو بریدونه نور ورته د زغلمو نه دي او اسلام اباد باید دغه توغندويي بریدونه ودروي.

د ملي دفاع وزارت ویاند جنرال دولت وزیري وويل، دا موضوع يې له پاکستان او نړيوالو سره شریکه کړې ده او په جدي ډول به وڅېړل شي.

بلخوا د کونړ ولایت امنیه قوماندان جمعه ګل همت وايي، لوړپوړي مقامات یې په دغو بریدونو خبر کړي او د ډیورنډ کرښې ته څېرمه ساحو کې افغان ځواکونه د تیارسئ په حالت کې دي. نوموړي وویل: “موږ عام تام اماده ګي لرو او لومړۍ درجه ا‌حضاراتو کې یو او دښمن ته به غاښ ماتوونکی ځواب ورکړو.”

د چارواکو په وينا، په تېرو دوو ورځو کې د کونړ پر دانګام، مرورې او خاص کونړ ولسوالیو ۳۴۲ مرمۍ لګېدلې دي چې له امله یې لسګونه کورنۍ د کورونو پرېښودو ته اړې شوې دي.

د کونړ د والي ویاند غني مصمم وايي، د دغو بریدونو له کبله لسګونه کورنۍ نورو خوندي سیمو ته تښتېدلي دي. هغه زیاته کړه: “تراوسه له شلطن څخه څلوېښت کورنۍ کډه شوې او ولایت مقام بېړنۍ غونډه رابللې وه چې له دغو کورنیو سره مرسته وشي.”

دا وګورئ

ملي مشارکت ګوند: تش په نوم رهبران د افغانانو ترمنځ نفاق ته لمن وهي

  په افغانستان کې روان وضعیت له بل هر وخت څخه ډېر بحراني شوى، اړتیا ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *