شنبه , نوومبر 18 2017
کور‌پاڼه / افغانستان / سرچينه: بهرني سفارتونه غواړي عبدالله احمدزی د ټاکنو خپلواک کمېسیون رئیس شي

سرچينه: بهرني سفارتونه غواړي عبدالله احمدزی د ټاکنو خپلواک کمېسیون رئیس شي

 

حکومت د ټاکنو خپلواک کمېسیون او د دې كمېسيون د دارالانشاءد اوسنیو رئیسانو لپاره د معینیتونو په کچه نوي پوسټونه په نظر کې نیولي دي

حکومت هڅه کوي د یوې مصوبې له مخې د ټاکنو خپلواک کمېسیون د رئيس د ګوښه کولو لپاره لاره پرانیزي، د ټاکنیزو شکایتونو د کمېسیون رئیس ته هم د لرې کولو ګواښ شوی دی

کابل- ارګ او په کابل کې د یو شمېر هېوادونو سفارتونه غواړي چې د ټاکنو خپلواک کمېسيون لپاره عبدالله احمدزی د نوي رئیس او شاه سلطان عاکفي د دې کمېسیون د دارالانشاء د رئیس په توګه وګومارل شي.

په داسې حال کې چې په ټاکنیزو کمېسیونونو کې د حکومت پر پراخې لاسوهنې جدي نیوکې روانې دي، تازه حکومت پتېیلې چې د ټاکنو خپلواک کمېسیون رئيس او د دې كمېسيون د دارالانشاء رئیس له دندو ګوښه كړي او پر ځای یې نوي کسان وګوماري.

یوې سرچینې کابل نیوز ته له نومښودنې پرته ويلي، عبدالله احمدزي د یاد پوسټ لپاره د ۱۸۰ زره ډالره کلني معاش غوښتنه کړې ده.

سرچینه زیاتوي، حکومت د ټاکنو خپلواک کمېسیون د رئیس او د دغه كمېسيون د دارالانشاء رئیس لپاره د معینیتونو په کچه نوي پوسټونه په نظر کې نیولي دي. د سرچينې په وینا، د ټاکنیزو شکایتونو د کمېسیون مشر ته هم چې په دې وروستیو کې په غلاوو تورن شوی دی، د  لرې کولو ګواښ شوی دی.

د دوشنبې په ورځ د ولسمشر دویم مرستیال سرور دانش د ټاکنو خپلواک کمېسیون غړي ور غوښتي وو او ویل کېږي له هغوی نه یې د یوې داسې مصوبې د تصویبولو غوښتنه کړې چې پر اساس به یې ددغه کمېسیون د اوسني رئیس نجیب الله احمدزي او د دارالانشاء رئیس امام محمد وریماچ ګوښه کولو ته لاره پرانېستل کېږي.

د ټاکنو کمېسیون کمېشنر او ویاند عبدالبدیع صیاد له سرور دانش سره د کمېشنرانو لیدنه تاییدوي، خو وايي، دغه لیدنه د ټاکنو اړوندو مسایلو په تړاو ترسره شوې ده.

د ټاکنو څارونکو بنسټونو او سیاسي جریانونو د ټاکنیزو کمېسیونونو په چارو کې د حکومت پر مداخلې جدي اندېښنې ښودلې دي.

د ټيفا رئيسنعیم ایوب زاده او د فیفا رئیس یوسف رشید وايي، د ملي یووالي حکومت مسوولين له هرې ممکنې لارې هڅه کوي چېټاكنيز کمېسیونونه تر خپل تاثیر لاندې وساتي او په دې توګه راتلونکې ټاکنې په خپله ګټه تمامې کړي.

د ټاکنو خپلواک کمېسیون ریاست ته د عبدالله احمدزي د راوستلو هڅې داسې مهال دي چې نوموړی او د ټاکنو خپلواک کمېسیون پخوانی رئیس فضل احمد معنوي په ۱۳۹۰ کال کې د ناکامو او جنجالي پارلماني ټاكنو له امله د ګڼو کسانو تر نیوکو لاندې وو.

دا وګورئ

احمدالله علیزی بخاطر تاکید بر برگزاری لویه جرگه از سوی رئیس جمهور برکنار شد

مقامات افغان حق ندارند در مجالس مربوط به حمایت از برگزاری لویه جرگه شرکت کنند ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *