شنبه , نوومبر 18 2017
کور‌پاڼه / افغانستان / په کندهار کې د بهرنیو ځواکونو پر کاروان ځانمرګی برید وشو

په کندهار کې د بهرنیو ځواکونو پر کاروان ځانمرګی برید وشو

په چاودنه کې د بهرنیو ځواکونو یو ټانک ویجاړ شو او تر چاودنې وروسته پنځه تنه د الوتکې په وسیله د کندهار هوايي ډګر ته ولېږدول شول (سرچینه)

کندهار – د کندهار چارواکي وایي، په ډنډ ولسوالۍ کې د بهرنیو ځواکونو د موټرو پر کاروان ځانمرګی برید شوی دی.

​د کندهار د پوليسو یوه ویاند دویم څارن مطیع الله هلال امریکا غږ ته ويلي چې ځانمرګي بریدګر د ولسوالۍ په ده غلامان سیمه کې خپل له بمونو ډک موټر د ناټو د موټرو له کاروان سره جنګولی دى.

هلال زياته كړې، لومړني معلومات ښيي چې په برید کې ملکي وګړیو ته زیان نه دی رسېدلی.

د ډنډ ولسوالۍ یوه امنیتي سرچينه بیا وايي، د امریکايي ځواکونو کاروان په سیمه کې پر امنیتي ګزمې بوخت و چې برید پرې وشو.

سرچینه زیاتوي، په چاودنه کې یو ټانک ویجاړ شوی، تر چاودنې وروسته پنځه تنه د الوتکې په وسیله د کندهار هوايي ډګر ته لېږدول شوي، خو دا چې څومره کسان وژل شوي او ژوبل شوي، لا معلومات نه شته.

د یادولو ده چې دا په تېرو دوو میاشتو کې په کندهار كې پر بهرنیو پوځیانو درېیم بريد و.

دا وګورئ

احمدالله علیزی بخاطر تاکید بر برگزاری لویه جرگه از سوی رئیس جمهور برکنار شد

مقامات افغان حق ندارند در مجالس مربوط به حمایت از برگزاری لویه جرگه شرکت کنند ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *