سه شنبه , جنوري 16 2018
کور‌پاڼه / افغانستان / طارق شاه بهرامي: د وسله والو طالبانو په تکتیکي بریدونو کې ۱۳ سلنه زیاتوالی راغلی

طارق شاه بهرامي: د وسله والو طالبانو په تکتیکي بریدونو کې ۱۳ سلنه زیاتوالی راغلی

 

د طالبانو په ډله ییزو او ځانمرګو بریدونو کې افغان ځواکونو ته ډېر تلفات اوښتي، خو په مقابل کې یې افغان ځواکونو هم دوی ته زیات تلفات اړولي دي

کابل – د ملي دفاع سرپرست وزیر وايي، وسله والو طالبانو په تېرو دوو میاشتو کې د تکتیکي او ډله ییز بریدونو څو مشابه پېښې ترسره کړې چې پکې افغان ځواکونو ته ډېره مرګ ژوبله اوښتې ده.

د ملي دفاع وزارت د چارواکو په وینا، په دې موده کې د طالبانو په تکتیکي بریدونو کې ۱۳ سلنه زیاتوالی راغلی دی.

د ملي دفاع سرپرست وزیر طارق شاه بهرامي چې تازه د ناټو د دفاع وزیرانو له ناستې راستون شوی، د افغان ځواکونو د تلفاتو لوړوالی مني، خو زياتوي، په مقابل کې یې وسله والو طالبانو ته هم ډېره مرګ ژوبله اړولې ده.

دى د تروريزم په له منځه وړلو کې د پاکستان د ونډې په اړه وايي، که دغه هېواد اړین اقدامات و نه کړي، د نړیوالې ټولنې له سخت غبرګون سره به مخ شي. د بهرامي په خبره، په بروکسل کې د ناټو غړو هېوادونو په غونډې کې پاکستان ته ښکاره پیغام ورکړل شو.

دا وګورئ

راپور شبکۀ سی بی اس: کابل بعد از هفده سال جنگ هنوز هم محاصره است

  عصاکر امرکایی از سفارت تا میدان هوایی بدون هلیکوپتر نمیتوانند رفت و آمد کنند ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *