سه شنبه , جنوري 16 2018
کور‌پاڼه / افغانستان / د مشرانو جرګې غړي: د امریکا نوې ستراتېژي د نظام د کمزوري کولو او د افغانانو د وژلو لپاره یوه دسیسه ده

د مشرانو جرګې غړي: د امریکا نوې ستراتېژي د نظام د کمزوري کولو او د افغانانو د وژلو لپاره یوه دسیسه ده

 

د امریکا د نوې تګلارې اعلان د هېواد امنیتي وضعیت نه دی سم کړی، بلکې د دې ستراتېژۍ له امله د هرې ورځې په تېرېدو د جګړې لمن پراخېږي

له حکومته د امنيت ټينګولو تمه نه شي کېدای او له ياد وضعيت څخه د راوتو يوازينۍ لاره د لويې جرګې رابلل دي

کابل – د مشرانو جرګې یو شمېر غړي وايي چې د امریکا نوې ستراتېژي د افغانستان د نظام د کمزوري کولو او د عامو افغانانو د وژلو لپاره یوه لویه دسیسه ده.

د دې جرګې غړي آصف صدیقي او زلمی زابلی د امریکا نوې ستراتېژي د افغانستان نظام د کمزوري کولو او افغانانو د وژلو لپاره لویه دسیسه بولي او زياتوي چې دا تګلاره نشي کولای په افغانستان کې امنیت ټینګ کړي.

د مشرانو جرګې غړي نثار حارث او حسن هوتک هم په دې باور دي چې د امریکا د نوې تګلارې اعلان د هېواد د امنیتي وضعیت له بهبود سره مرسته نه ده کړې، د دې ستراتېژۍ له امله د هرې ورځې په تېرېدو د جګړې لمن پراخېږي او حکومت د خپلو ناسمو سیاستونو له امله له دغې ستراتېژۍ ملاتړ کوي.

سناتوران له روان وضعيت څخه د راوتو په هدف د حکومت له لوري د لويې جرګې پر نه رابللو نيوکه کوي او له حکومته غواړي چې ژر تر ژره د لويې جرګې اجنډا مشخصه کړي.

د مشرانو جرګې غړي فرهاد سخي او ګلالۍ اکبري وايي، له حکومت څخه د امنيت ټينګولو تمه نه شي کېدای او له ياد وضعيت څخه د راوتو يوازينۍ لاره د لويې جرګې رابلل دي چې په وينا يې حکومت په دې برخه کې د وېرې پر ځای بايد د دغې جرګې د اجنډا مشخصولو لپاره اقدام وکړي.

سناتوران یو ځل بیا د موجوده وضعیت د مهارولو لپاره د لویې جرګې له دایرولو ملاتړ کوي چې تر دې مخکې د ولسي جرګې غړو هم د لویې جرګې د دایرولو غوښتنه کړې ده.

دا وګورئ

راپور شبکۀ سی بی اس: کابل بعد از هفده سال جنگ هنوز هم محاصره است

  عصاکر امرکایی از سفارت تا میدان هوایی بدون هلیکوپتر نمیتوانند رفت و آمد کنند ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *