شنبه , نوومبر 18 2017
کور‌پاڼه / افغانستان / ټرمپ د افغانستان او پاکستان لپاره د خپل ځانګړي استازي دفتر تړلی

ټرمپ د افغانستان او پاکستان لپاره د خپل ځانګړي استازي دفتر تړلی

دغه دفتر دنده لرله چې له طالبانو او نورو ډلو سره د سولې هڅې وکړي او د یادې پروسې په تړاو د اروپايي اتحاديې او ناټو هېوادونو ملاتړ ترلاسه کړي

واشنګټن – د ډونالډ ټرمپ ادارې د افغانستان او پاکستان لپاره د امريکا د ځانګړي استازي دفتر تړلی دی.

د یو شمېر رسنیو د راپورونو له مخې، د امريکا د بهرنيو چارو وزارت چارواکو دغه خبر تاييد کړی دی.

د افغانستان او پاکستان لپاره د امریکا د ځانګړي استازي دغه دفتر دنده لرله چې له طالبانو او نورو ډلو سره د سولې لپاره هڅې وکړي او همداراز د سولې لپاره د اروپايي اتحاديې او ناټو هېوادونو ملاتړ ترلاسه کړي.

راپورونه زیاتوي چې په دغه دفتر کې کار کوونکو هم خپلې دندې له لاسه ورکړې دي.

په امریکا کې د ټرمپ د حکومت له راتلو وروسته د افغانستان په تړاو د متحدو ايالتونو په پاليسۍ کې ژور بدلون راغلى دى چې په افغانستان کې د پوځيانو او هوايي بريدونو زياتول د دې ستراتېژۍ مهمه برخه ده.

دا وګورئ

احمدالله علیزی بخاطر تاکید بر برگزاری لویه جرگه از سوی رئیس جمهور برکنار شد

مقامات افغان حق ندارند در مجالس مربوط به حمایت از برگزاری لویه جرگه شرکت کنند ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *