پنجشنبه , اکتوبر 19 2017
کور‌پاڼه / افغانستان / فارن پالیسي: د طالبانو د دفتر تړل کېدل او له قطره د هغوی ايستل به تېروتنه وي

فارن پالیسي: د طالبانو د دفتر تړل کېدل او له قطره د هغوی ايستل به تېروتنه وي

 

امریکا دې په افغانستان کې د جګړې له پالیسۍ تېره شي، بلکې د سولې او مذاکراتو لار دې خپله کړي

که د طالبانو دفتر وتړل شي، له دې ډلې سره د تماس امکانات به محدود او د خبرو په لار کې به خنډ رامنځته شي

واشنګټن – فارن پالیسي خپرونې په خپله وروستۍ ګڼه کې لیکلي چې په قطر کې د طالبانو د دفتر تړل او له قطره د هغوی ایستل به تېروتنه وي.

فارن پالیسي خپرونې د “له قطر څخه د طالبانو ایستل به تېروتنه وي” تر سرلیک لاندې لیکنه خپره کړې چې د افغانستان او پاکستان لپاره د امریکا څلورو پخوانیو استازو او یوه مرستیال استازي په ګډه لیکلې ده.

سرچينې ليکلي، که ټرمپ وغواړي د قطر دفتر وتړي او د مذاکراتو امکانات له منځه یوسي، نو یوه ستره تېروتنه به وکړي. نشریه زیاتوي، افغان جګړه له نظامي لارو نه حل کېږي، نو ښه به وي چې د مذاکراتو له لارې روان بحران پای ته ورسول شي.

د فارن پالیسي په خبره، افغان حکومت او امریکا دې په دې پوه شي، چې تر جګړې وروسته به مذاکرات ګټه و نه لري.

د دې خپرونې په باور، باید نه امریکا او نه د افغانستان حکومت دې ته انتظار وکړي چې په جګړې کې برلاسي شي او بیا خبرې پیل کړي.

نشریه همداراز ټینګار کوي چې امریکا دې په افغانستان کې د جګړې له پالیسۍ تېره شي، بلکې د سولې او مذاکراتو لار دې خپله کړي.

فارن پالیسي وايي چې واشنګټن په سیمه کې خپلې ملي ګټې یوازې د امریکا، افغان حکومت او طالبانو ترمنځ د سیاسي خبرو اترو له لارې ترلاسه کولی شي. نشریه زیاتوي، هماغسي چې امریکا او د افغانستان حکومت سولې ته اړتیا لري، طالبان یې هم لري، د جګړې د پای ته رسېدو لپاره لومړنۍ اړتیا خبرې دي، نو ولې باید دا ژر تر ژره پیل نه کړای شي. د فارن پالیسي په باور، دوهمه خبره دا ده چې که د طالبانو دفتر وتړل شي، له دې ډلې سره د تماس امکانات به محدود او د خبرو په لار کې به خنډ رامنځته شي.

خپرونه د طالبانو د قطر د دفتر په دفاع کې د دلیل په توګه یادونه کوي چې دا چاینل موجود دی، پکار ده چې د خبرو لپاره پرانیستی وساتل شي.

دا وګورئ

د ملي شورا غړي: د امریکا د نوې ستراتېژۍ تر اعلان وروسته ملکي مرګ ژوبله زیاته شوې

  ‌په هرات، کندز، ننګرهار او کونړ ولایتونو کې شپږ ځله پر ملکيانو بمبارد شوی ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *