چهارشنبه , فبروري 21 2018
کور‌پاڼه / افغانستان / د مخابراتو وزارت: د انټرنېټ بیه به تر ۸۰ سلنې ټیټه کړو

د مخابراتو وزارت: د انټرنېټ بیه به تر ۸۰ سلنې ټیټه کړو

 

پر یو داسې پلان کار روان دی چې له مخې به یې په راتلونکو درېیو میاشتو کې په هېواد کې د انټرنېټي خدماتو بیه خورا ټیټه شي

کابل – د مخابراتو او معلوماتي ټيکنالوژۍ وزارت ویاند نجیب ننګیال وايي چې تر راتلونکو درېيو میاشتو پورې به د انټرنېټ بیه تر ۸۰ سلنې ټیټه شي.

د مخابراتو او معلوماتي ټکنالوژۍ وزارت د ولسمشر غني په سپارښتنې پر یوه داسې پلان کار کوي چې په هېواد کې د انټرنېټي خدماتو بیه خورا ټیټه شي.

نجیب ننګیال زياتوي، د دې پلان پر اساس به په راتلونکو درېيو میاشتو کې د انټرنېټي خدماتو محصول له ۶۰ تر ۸۰ سلنې پورې ټیټ شي.

دى وايي: “د ولسمشر له فرمان سره سم چې تېره اونۍ یې په یوه غونډه کې صادر کړ، موږ پر یوه پلان کار کوو چې پر اساس به یې په هېواد کې د ټولو مخابراتي کمپنیو د انټرنېټ بيې له ۶۰ تر ۸۰ سلنې پورې ټیټې شي.”

د روان میلادي کال په پیل کې هم د مخابراتو او معلوماتي ټکنالوژۍ وزارت ویلي و چې د منځنۍ اسیا له هېوادونو سره د نوري فایبر د وصل کېدو له کبله افغانستان ته د ارزانه انټرنېټ لار پرانیستل شوې چې ورسره به د انټرنېټ بیه خورا ټیټه شي، خو عملاً په بیه کې د پام وړ بدلون رانغی.

دا وګورئ

حکومت له جمعیت سره د عبدالکریم خدام د لرې کېدو پر سر معامله کړې

حکومت منلې چې خدام به د سولې شورا د مرستیال، ضیاء الدین ضیاء د سمنګان ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *