دوشنبه , سپتمبر 25 2017
کور‌پاڼه / افغانستان / په تورخم کې ۲۰۰ بورۍ امونیم نایټرېټ نیول شوي

په تورخم کې ۲۰۰ بورۍ امونیم نایټرېټ نیول شوي

د یادو موادو د انتقال په تور مو د موټر چلوونکی هم نیولی چې د پاکستان اوسېدونکی دی(امنیتي چارواکي)

جلال اباد – امنیتي چارواکي وایي، په تورخم سوداګریز بندر کې یې په یوه لارۍ کې بار ۱۰ ټنه داسې مواد نیولي چې د بمونو په جوړولو کې ترې کار اخیستل کېږي. په ختیځ زون کې د سرحدي پولیسو قوماندان سمونوال محمد ایوب حسین خېل پرون په یوه خبري ناسته کې وویل چې د دوی ځواکونو په یوه لارۍ موټر کې ۲۰۰ بورۍ امونیم نایټرېټ نیولي دي. د حسین خېل په خبره، نیول شوي مواد له پاکستان څخه افغانستان ته د ترهګریزو بریدونو ترسره کولو په موخه راوړل کېدل. دغه امنیتي مسوول وايي، د یادو موادو د انتقال په تور یې د موټر چلوونکی هم نیولی چې د پاکستان اوسېدونکی دی. تر دې وړاندې هم په ځلونو د امنیتي ځواکونو لاس ته داسې چاودېدونکي توکي ورغلي چې له ګاونډي هېواد پاکستان څخه د ورانکارو کړنو د ترسره کولو لپاره افغانستان ته راوړل کېدل.

دا وګورئ

د کندز خلک:   د نا مسوولو وسله والو له ځورونو تر پوزې راغلي یو

  دغه غير مسوول وسله وال خلک وژني، غلاوې کوي، د مکتب نجونې ځوروي، اختطاف ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *