شنبه , نوومبر 18 2017
کور‌پاڼه / خبرونه / د امريکا سنا مجلس پاکستان ته د مرستو کمولو سند ومانه

د امريکا سنا مجلس پاکستان ته د مرستو کمولو سند ومانه

په سند کې له پاکستاني حکومت نه غوښتنه شوې چې شمالي وزيرستان کې دې د حقاني شبکې د پټنځايونو د جوړولو مخه ونيسي

د ۲۰۱۸ کال تر پایه پورې به پاکستان سره تر هغو مرسته نه کېږي، ترڅو د پنټاګون دا خبره تاييد نه کړي چې پاکستان په شمالي وزيرستان کې د حقاني شبکې پرضد پرلپسې عمليات کوي

واشنګټن – د امريکا سنا مجلس هغه سند په اکثريت رايو ومانه چې په کې له پاکستان سره مرستې د دغه هېواد له لوري د حقاني شبکې او طالبانو پرضد عملياتو پورې مشروطې ګڼل شوې دي.

په سند کې له پاکستاني حکومت نه غوښتنه شوې چې شمالي وزيرستان کې دې د حقاني شبکې د پټنځايونو د جوړولو مخه ونيسي.

په سند کې منل شوې چې د ۲۰۱۸ ز کال تر وروستۍ مياشت پورې به پاکستان سره تر هغو مرسته نه کېږي، ترڅو د امريکا د دفاع وزير دا خبره تاييد نه کړي چې پاکستان په شمالي وزيرستان کې د حقاني شبکې پرضد پرلپسې عمليات کوي.

په سند کې له پاکستان څخه غوښتنه شوې چې د هغو لارو ساتنه به کوي، له کومو لارو چې د ناټو موټر تېرېږي. په دغه سند کې له هند سره د دفاعي مرستو زياتوالی او ورسره د اړيکو زياتول هم منل شوي دي. پاکستاني حکومت باندې په دې وروستيو کې د افغانستان او دغه راز له لوېديزو هېوادونو څخه فشارونه زيات شوي دي. دوی پر پاکستان تور لګوي چې د طالبانو او حقاني شبکې ملاتړ کوي، خو پاکستان بيا وايي چې د ضرب عضب د عملياتو په پايله کې حقاني شبکه له شمالي وزيرستان نه افغانستان ته اوښتې ده او هلته په هغو سيمو کې فعاليت کوي چې د افغان حکومت تر ولکې لاندې نه دي.

دا وګورئ

احمدالله علیزی بخاطر تاکید بر برگزاری لویه جرگه از سوی رئیس جمهور برکنار شد

مقامات افغان حق ندارند در مجالس مربوط به حمایت از برگزاری لویه جرگه شرکت کنند ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *