دوشنبه , سپتمبر 25 2017
کور‌پاڼه / خبرونه / د ټرمپ مالي ملاتړي ځان وژلى

د ټرمپ مالي ملاتړي ځان وژلى

پيټر سمېت تر هغې وروسته ځان وژلی چې د هيلري کلينټن د ټاکنيز کمپاين د برېښناليکونو په غلا کولو کې یې له روسي هککرانو سره د اړيکو درلودلو پړه ومنله

واشنګټن – د متحدو ايالتونو د ولسمشر ډونالډ ټرمپ ستر مالي ملاتړي پيټر سمېت ځان وژنه کړې ده. پيټر سمېت د امريکا په تېرو ولسمشريزو ټاکنو کې له ټرمپ سره د ميليونونو ډالرو مالي مرسته کړې وه او تر هغې وروسته يې ځان وژلی چې له والسټريټ ژورنال ورځپاڼې سره په خبرو کې يې د هيلري کلينټن د ټاکنيز کمپاين د برېښناليکونو په غلا کولو کې له روسي هککرانو سره د اړيکو درلودلو پړه ومنله. انډيپنډينټ ورځپاڼه وايي، سمېت تر دغې مرکې لس ورځې وروسته مړ موندل شوی دی. ده والسټريټ ژورنال ته ويلي و چې له روسي هککرانو سره يې اړيکې درلودې، خو دا اړيکې يې د ټرمپ د ټاکنيز کمپاين په چوکاټ کې نه وې، بلکې د امريکا د ملي امنيت له ګوښه شوي سلاکار مايکل فلين سره يې همکاري کوله. د پيټر سمېت د مړينې خبر داسې مهال خپرېږي چې له يوه روسي وکيل سره د ټرمپ د زوی ليدو کتو وار له مخه په امريکا کې ډېر حساسيتونه را پارولي دي.

دا وګورئ

د کندز خلک:   د نا مسوولو وسله والو له ځورونو تر پوزې راغلي یو

  دغه غير مسوول وسله وال خلک وژني، غلاوې کوي، د مکتب نجونې ځوروي، اختطاف ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *