پنجشنبه , اکتوبر 19 2017
کور‌پاڼه / افغانستان / د هلمند دیني عالمان: د دولت وسله وال مخالفین دې سوله وکړي

د هلمند دیني عالمان: د دولت وسله وال مخالفین دې سوله وکړي

لښكرګاه – د هلمند ديني عالمانو او قومي مشرانو د دولت له وسله والو مخالفينو وغوښتل چې د سولې له پروسې سره يوځاى شي او نور د هېواد د پرمختګ مخه ونه نيسي. هغوى دغه غوښتنه پرون د هلمند په مرکز لښکرګاه کې په يوه غونډه کې وکړه. د هلمند د عالمانو شورا رئيس مولوي خداى نظر وويل، د دې ولايت ديني عالمان د افغانستان له مشروع نظام څخه کلک ملاتړ کوي او له وسله والو مخالفينو څخه غوښتنه کوي چې د سولې له پروسې سره يوځاى شي. د هغه په وينا، په تېرو څو کلونو کې د همدې جګړو له امله زرګونه کسان وژل شوي او دا لړۍ اوس هم دوام لري. دغه راز په دې غونډه کې د قومي مشرانو په استازيتوب عبدالاحد معصومي وويل چې قومي مشران دې له حکومت څخه ملاتړ کوي او له وسله والو مخالفينو غواړي چې د سولې له پروسې سره يوځاى شي. هغه زياته کړه چې د امنيت د ټينګښت په موخه بايد حکومت په هېواد کې د ګاونډيو هېوادونو د لاسوهنې مخه ونيسي. هلمند د افغانستان تر ټولو ناامنه ولايت دى چې دا مهال يې له ١٣ څخه شپږ ولسوالۍ له وسله والو طالبانو سره دي او د ځينو نورو يې يوازې مرکزونه له حکومت سره دي.

دا وګورئ

د ملي شورا غړي: د امریکا د نوې ستراتېژۍ تر اعلان وروسته ملکي مرګ ژوبله زیاته شوې

  ‌په هرات، کندز، ننګرهار او کونړ ولایتونو کې شپږ ځله پر ملکيانو بمبارد شوی ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *