پنجشنبه , مې 25 2017
کور‌پاڼه / افغانستان / په راتلونکې اونۍ کې به شپږ کاندید وزیران ولسي جرګې ته معرفي شي

په راتلونکې اونۍ کې به شپږ کاندید وزیران ولسي جرګې ته معرفي شي

په دوی کې د کانونو او پټروليم، ماليې، کرنې، بهرنيو چارو، قومونو او قبايلو او په پارلماني چارو کې د دولت وزارتونو لپاره کانديد وزيران شامل دي

كابل – ټاکل شوې چې د وري مياشتې تر ٧ مې نېټې د کانونو او پټروليم، ماليې، کرنې، بهرنيو چارو، قومونو او قبايلو او په پارلماني چارو کې د دولت وزارتونو لپاره کانديد وزيران ولسي جرګې ته معرفي شي. يوې باورې سرچينې پژواک ته ویلي چې نرګس نهان د کانونو او پټروليم، غلام جيلاني پوپل د ماليې، سليمان کاکړ د کرنې، اوبو لګولو او مالدارۍ، اکليل حکيمي د بهرنيو چارو، غلام نبي فراهي د قومونو او قبايلو چارو او غلام فاروق وردګ په پارلماني چارو کې د دولت وزير په توګه نومول شوي دي. له يادو شپږو کانديد وزيرانو يوه تن وويل، کېداى شي چې د يوې اونۍ په اوږدو کې د ده په ګډون ياد شپږ کسان د کانديد وزيرانو په توګه ولسي جرګې ته ور وپېژندل شي. د سرچينې د معلوماتو له مخې، ولسمشر د ولسي جرګې اداري پلاوي ته ويلي چې که د وري تر اوومې نېټې يې دغه کسان جرګې ته معرفي نه کړل، نو جرګه دې وزيران استيضاح کړي. دا مهال پر اوو استیضاح شوو وزيرانو سربېره، د اطلاتو او کلتور، سرحدونو، قومونو او قبايلو چارو، کانونو او پټروليم وزراتونه هم د سرپرستانو له خوا اداره کېږي، ځکه چې د اطلاعاتو او کلتور وزير عبدالباري جهاني او د کانونو وزير داود شاه صبا له خپلو دندو استعفا کړې او د سرحدونو او قبايلو وزير محمد ګلاب منګل د ننګرهار د والي په توګه ټاکل شوى دى.

دا وګورئ

د حامد کرزي بنسټ په کابل کې د پوهاند محمد فاضل فاضل علمي او تعليمي خدمات ونمانځل

پوهاند فاضل د علمي شخصيت ترڅنګ د ښوونې او روزنې په برخه کې پياوړې هڅې ...

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *